СПОРТ
ХӨГЖИМ
™ watch

Хятадын зүүн хойд бүсэд эрчим хүчний хомстол үүсэв

Нийтэлсэн
2 жилийн өмнө


Сурталчилгаа
Нийтэлсэн:   Г.Ганчимэг
2 жилийн өмнө

БНХАУ-ын зүүн хойд хэсгийн нутаг дэвсгэрт эрчим хүчний хомстол улам бүр хүрээгээ тэлж, газар авч байгааг The Guardian мэдээлэв. Эрчим хүчний хомстол үүссэнээр айлууд гэрэл цахилгаангүй болж, олон тооны үйлдвэрийн үйл ажиллагаа зогсоод байна. Зарим дэлгүүр, худалдааны төвүүдэд лааны гэрэл асааж, үйл ажиллагаагаа явуулж байгаа ажээ.

.

Эрчим хүчний томоохон станцуудын хүчин чадал байх ёстой хэмжээнээс хэтэрсэн тул Хятадын Засгийн газар өнгөрсөн долоо хоногоос хойш зүүн хойд бүсэд оргил цагаар цахилгааны хязгаарлалт хийж эхэлжээ. Чанчун зэрэг зарим хотын иргэд цахилгаан ирээд удалгүй тасарчихдаг, тасрахаараа уддаг гэсэн гомдол ирүүлсэн байна.

БНХАУ дэлхийн хамгийн том нүүрстөрөгч, дулаан ялгаруулагч орон бөгөөд дэлхийн дулааралтай тэмцэхэд хувь нэмрээ оруулна гэдгээ амласан юм. .

Тухайлбал үйлдвэрлэгчид комьпютер програм хангамжийн чипний хомстолд ороод эхэлжээ. Мөн тээвэрлэлт гацаж эхэлсэн байна. Эдийн засгийн хохирлоос гадна иргэд эрүүл мэндээрээ ч хохирсон тохиолдол гарчээ.

Лиаоян хотод гэрэл цахилгаан тасарсны дараа үйлдвэрийн металл хийц дэх агааржуулалт алдагдаж, хорт хийнд 23 хүн хордон эмнэлэгт хүргэгдсэн байна. Үйлдвэрлэлийн үйл ажиллагаа саатсанаар зул сарын баярын өмнө бараа бүтээгдэхүүн, ухаалаг гар утас, бусад цахилгаан хэрэгслийн хомстол үүсч болзошгүй байгаа ажээ.

Эх сурвалж: The Guardian

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.