НҮБ-ын байнгын төлөөлөгчид болох Афганистаны Гулам Исакзай болон Мьянмарын Кяв Мое Тун нар Ерөнхий Ассамблейн 76 дахь удаагийн чуулганд үг хэлэхээс татгалзжээ.

Энэ талаар НҮБ-ын Ерөнхий Ассамблейн дарга Абдулла Шахидын хэвлэлийн төлөөлөгч Моника Грейли "ТАСС" агентлагт мэдээлсэн байна. Өмнө нь НҮБ дахь эх сурвалж Афганистаны төлөөлөгч Ерөнхий Ассамблейд үг хэлэхгүй гэж мэдэгдээд байсан юм.

Мьянмарын цэргийн хунт энэ оны 2 дугаар сарын эхээр засгийн эрхэнд гарч, Кяв Мое Туныг НҮБ-д илгээсэн иргэний Засгийн газрыг татан унагасан билээ. Харин өнгөрөгч 8 дугаар сард Талибанчууд Афганистаны Засгийн эрхийг булаан авч, Ерөнхийлөгч асан Ашраф Гани эх орноосоо дүрвэсэн юм.

Талибанчууд болон Мьянмарын цэргийн хунтын дэглэмийн удирдагчид НҮБ-д элч төлөөлөгчдөө илгээсэн хэдий ч холбогдох магадлан итгэмжлэх хорооноос тэднийг хараахан баталгаажуулаагүй байна.

Эх сурвалж: TASS

---