БНАСАУ өнөөдөр өглөө дахин пуужин харвасан тухай Өмнөд Солонгос улсаас мэдэгдлээ. Өнөөдөр өглөө харвасан пуужин Японы тэнгис буюу зүүн тэнгист унасан байна.

Японы хэвлэлүүд Умард Солонгосын өнөөдөр өглөө харвасан пуужинг баллистик пуужин байсан хэмээн мэдэгдэж байгаа юм. НҮБ-ын тогтоолоор баллистик пуужингийн туршилтыг хориглосон байдаг. Өмнөд Солонгосын Нэгтгэлийн албаны удирдлагууд АНУ-ын албаны хүмүүстэй хамтран үйл явдлыг ойроос ажиглаж байна гэдгээ мэдэгдэв.

Умард Солонгос улс хэдхэн хоногийн өмнө Өмнөдтэй яриа хэлэлцээр хийхэд бэлэн хэмээн байр сууриа илэрхийлээд байсан юм. Мөн энэ сарын эхэнд цоо шинэ төрлийн далавчит пуужин болоод баллистик пуужингуудын туршилтыг Японы тэнгист хийсэн нь олон улсын анхаарлыг татсан.

Эх сурвалж: ВВС

---