Гэрээгээр хүлээсэн үүргээ биелүүлж, шатахуун экспортлох боломжгүй боллоо гэдэг хоёр хөршийн мэдэгдэл Монгол улсад ойрын жилүүдэд үзэгдээгүй паанигийг авчирлаа. Аравдугаар сараас байдал хэвийн болно гэж Засгийн газар мэдэгдсэн ч тэр болтол хэдэн өдрийн зай байна. Монголчууд асуудалд эзэн хайхаас асуудлыг ул үндэстэйгээр шийдэхийг боддоггүй нь энэ хугацаанд дахин харагдаж байна. Харин үүн дээр БНН-ын дарга Б.Жаргалсайхан байр сууриа ийн илэрхийлжээ. 

Тэрбээр, 

-Гадныханд бензинээр дээрэлхүүлсэн өдрүүд үргэлжилж байна. Оросоос бензин түлш гэнэт наашаа ачуулахаа больсон шалтгаан нь тодорхойгүй. Үнээ нэмэх гээд байгаа бол нэмэгдсэн үнээр нь ч хамаагүй авъя гэхээр ачиж явуулахгүй байна. Бензин түлшний шантааж хэзээ нэг өдөр ийм байдалд хүрэх нь тодорхой байсан. Энэ бол ард түмний ч зовлон. Засгийн газрын ч зовлон. Нийт монголчуудын зовлон. Тэгэхээр ийм үед иргэд Засгийн Газартаа итгэж, дэмжиж цул байх ёстой шүү. Засгийн газар харин гадныхны өөдөөс ганц удаа худлаа инээгээд кармаандаа  /халаасандаа/салаавчтай асуудлын ард гарах юм шүү.

Ер нь үеийн үед Засгийн газар, иргэдийг хагалж талцуулах ажлыг гадны гар хөлүүд болсон хогийн шаарнууд л хийдэг. Олон жилийн турш нөгөө цахилгаан станцууд, нефтийн үйлдвэрээс эхлээд том том төслүүдийг гацааж ирсэн нь энэ улсыг мөнхийн хэрэглээний боолчлолд байлгах гадныхны л сонирхол шд.

Одоо харин нэг юмыг анзаараад авах хэрэгтэй! Энийг далимдуулж дарийн утаа үнэрлэж үзээгүй ямар, ямар бандаашууд попын тайзан дээр уянгалж иргэдийг турхирахыг хараад аваарай гэжээ. 

---