- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Өнгөрсөн хоногт ОБЕГ-т хүний үйл ажиллагаатай холбоотой найман осол бүртгэгдсэн байна.
Орхон аймгийн Баян-Өндөр сумын Оюут багийн “Сайхан төв”-ийн ард орон сууцны барилгын сантехникийн ажлын туслан гүйцэтгэгч 3 ажилчин нурангинд дарагдсан мэдээллийн дагуу эрэн хайх, аврах ажиллагаа явуулж, 18:15 цагт иргэн М /Завхан аймгийн харьяат, 16 настай, эрэгтэй/, 19:13 цагт Г / Улаанбатар хотын харьяат, 33 настай, эрэгтэй/ нурангинд дарагдсан байдалтай байсныг тус тус гаргаж эмнэлгийн байгууллагад хүлээлгэж өгсөн. Буцалтгүй нэрвэгдэгч Э /Орхон аймгийн харьяат, 16 настай, эрэгтэй/ 19:15 цагт цогцсыг гарган 1 цаг ажиллан, Орхон аймгийн цагдаагийн газарт шилжүүлэн өгсөн.
Дорнод аймгийн Баянтүмэн сумын “Хэрлэн” голд иргэн Г энэ сарын 21-нд усанд осолдсон байна. Дорнод аймгийн Хэрлэн сумын харьяат, 52 настай, эрэгтэй, “Хэрлэн” голын усанд доошоо харсан байдалтай байсныг 1 цаг ажиллан цогцсыг гаргаж, Цагдаагийн газрын жижүүрийн мөрдөгчид шилжүүлэн өгсөн.
Увс аймгийн Улаангом сумын 10 дугаар багт бохирын шугамын нүх ухаж байсан ус хангамжийн инженер иргэн М, сантехникч иргэн Э нар 6 метрийн гүнтэй нүхэнд ажиллах явцад шороо нурж, цээж хэсэг нь дарагдсан тухайн дуудлагыг өчигдөр өгсөн байна. Ингээд иргэн М /28 настай, эрэгтэй/, Э /59 настай, эрэгтэй/ нар шороонд дарагдсан байсныг 40 минут ажиллан гаргаж, борлуулалтын хяналтын инженерт хүлээлгэн өгсөн.
Нийслэлийн Чингэлтэй дүүргийн 6 дугаар хороо, /Баянбүрдийн тойргийн баруун хойд зүгт, төв замаас 35 метр/-т дулааны худгаас цогцос гаргуулах шаардлагатай байна гэсэн дуудлагыг цагдаагийн байгууллагаас өгчээ. Дулааны худагт нэр, нас, хаяг тодорхойгүй 35-40 орчим насны эрэгтэй хүний цогцос байсныг гарган, Чингэлтэй дүүргийн Цагдаагийн 1 дүгээр хэлтэст шилжүүлэн өгсөн.
Дорноговь аймгийн Сайншанд сумын 8 дугаар багт нүхэн жорлонд хүүхэд унасан байна. Тус аймгийн Онцгой байдлын газрын Гал түймэр унтраах, аврах 33 дугаар ангийн алба хаагчид Б /1 ой 3 сартай, эрэгтэй/ 1 метрийн гүнтэй нүхэн жорлонд унасан байсныг гаргасан. Хүүхдийн зүрхний хэм зогссон, амьсгалгүй байсныг эмнэлгийн анхан шатны тусламж үзүүлж, аймгийн нэгдсэн эмнэлгийн түргэн тусламжийн тасагт хүлээлгэн өгсөн.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.