Японы мэргэжлийн сумо бөхийн Аки башёгийн найм дахь өдрийн барилдааны тоймыг толилуулж байна.
Найман өдрийн дараах байдлаар дээд зиндаанд Тэрүнофүжи Г.Ган-Эрдэнэ аварга ганцаараа нэг ч унаагүйгээр башёг тэргүүлж байгаа бол түүний араас долоон даваа, нэг унаатайгаар Миёогирюү нэхэж байна.
Найм дахь өдрийн барилдаанд монгол бөхчүүд хоорондоо таарч үзүүштэй барилдаануудыг үзүүллээ.
- Маэгашира 2 Кирибаяама Б.Лхагвасүрэн (5-3) - Маэгашира 1 Таканошо (4-4)
- Маэгашира 5 Чиёошома Г.Мөнхсайхан (1-7) - Комүсүби Такаяасү (3-5)
- Комүсүби Ичиножо А.Ичинноров (3-5) - Маэгашира 1 Хошорюү С.Бямбасүрэн (2-4-2)
- Ёкозүна Тэрүнофүжи Г.Ган-Эрдэнэ (8-0) - Маэгашира 4 Тамаваши Б.Мөнх-Оргил (3-5)
Ёкозүна Тэрүнофүжи Г.Ган-Эрдэнэ өчигдрийн барилдаанд нутаг нэгт Тамаваши Б.Мөнх-Оргилоор найм дахь даваагаа авлаа. Хоёр бөхийн хувьд 15 дахь учраа таарч буй нь энэ бөгөөд 10 дахь удаагаа Ёкозүна Тэрүнофүжи Г.Ган-Эрдэнэ өрсөлдөгчөө давж байна. Харин өвчний улмаас башёг өнжөөд байсан Хошорюү С.Бямбасүрэн башёд эргэн ирж мөн нутаг нэгт Комүсүби Ичиножо А.Ичинноровтой барилдан ээлжит даваагаа авлаа.
