3х3 сагсанбөмбөгийн 23 хүртэлх насны үндэстнүүдийн лигийн бүс, бүсээс шалгарсан шилдэг багууд өнөөдрөөс финалын тоглолтод оролцоно. 

Тодруулбал бүс бүсээ шалгарсан эрэгтэй, эмэгтэй шилдэг найман багийн шигшээ тоглолт Румын улсын Бухарест хотноо явагдана. Манай улсын эмэгтэй баг Африк, Азийн бүсээс шалгарч шигшээд өрсөлдөх эрхээ авсан билээ. Манай баг А хэсэгт Егип, Франц, Чехийн багуудтай орсон ба өнөөдөр эхний тоглолтоо Чехийн багийн эсрэг Улаанбаатарын цагаар 19:15 цагт тоглох хуваарьтай байна. 

Монголын багийн тоглолтын хуваарь: /Улаанбаатарын цагаар/

Есдүгээр сарын 17-ны өдөр

• 19:15 цагт: Монгол - Чех

Есдүгээр сарын 18-ны өдөр

• 01:05 цагт Монгол - Египт
• 16:20 цагт Монгол - Франц

Харин монголын 3х3 сагсанбөмбөгийн эрэгтэйчүүдийн шигшээ багийн тухайд тэмцээнд оролцоогүй багагүй хугацаа өнгөрсний дараа талбайдаа эргэн ирж байна. Манай баг Нидерланд улсын Утрехт хотноо энэ сарын 19-20-ны өдрүүдэд зохион байгуулагдах "3X3 Unites Challenger Utrecht 2021" тэмцээнд оролцоно. Манай баг С хэсэгт Шведийн Лаусанн багтай орсноос гадна урьдчилсан шатнаас гарч ирэх багтай хүч үзэх юм. 

Монголын багийн тоглолтын хуваарь: /Улаанбаатарын цагаар/

Есдүгээр сарын 20-ны өдөр

• 00:35 цагт: Монгол - Урьдчилсан шатны хэсгээс гарсан баг
• 02:25 цагт: Монгол - Лаусанн /Швед/