Умард Ирландын сэтгүүлч Лайра МакКийг хоёр жилийн өмнө буудаж амь насыг нь хороосон хэрэг Дерри хотод гарсан юм. Сэтгүүлч эмэгтэйн аллагын хэрэгт холбоотой гэж сэжиглэн дөрвөн этгээдийг баривчлан саатуулсан талаар Умард Ирландын цагдаагийн газар мэдэгджээ.

Баривчлагдсан этгээдүүдийг терроризмын гэмт хэрэгт холбогдуулан буруутгаж болзошгүй. Учир нь New IRA хэмээн өөрсдийгөө нэрлэсэн хэт даврагсдын бүлэг сэтгүүлчийн амь насыг хороосон хэрэгт хариуцлага хүлээнэ хэмээн мэдэгдээд байжээ.

Цагдаа нарын баривчилсан этгээдүүд 19-33 насны залуус байна. Аллага гарснаас хойш хоёр жилийн хугацаанд мөрдөн шалгах ажлыг тасралтгүй гүйцэтгэсний дүнд гэмт этгээдүүдийг илрүүлсэн гэж Умард Ирландын цагдаагийн ажилтан мэдэгджээ.

Эх сурвалж: The Guardian

---