АНУ-ын иргэн Анжелика Венкес Салгадо 2007 онд зургаан настай охин Жаклин Хернандезаа алджээ. Хулгайд алдагдсан охин 14 жилийн дараа Facebook цахим сүлжээгээр ээжтэйгээ холбогдож, тэд даваа гарагт Техаст уулзсан байна.

Хернандез 19 нас хүрсэн бөгөөд түүнийг жаахан байхад аав нь ирж, гэрээс нь хулгайлаад зугтжээ. Ноён Пабло Хернандезийг тухайн үед гэмт хэрэгтнээр сэжиглэж, эрэн сурвалжилж байсан юм. Тэрээр охиноо хулгайлаад Мексик руу зугтсан гэж таамаглаж байжээ. Цагдаа нар одоо хүртэл аавынх нь байршлыг тогтоогоогүй байна.

Хамгийн анх энэ сарын 2-ны өдөр Венкес Салгадо Клермонтын цагдаагийн газарт очиж, өөрийгөө охин нь гэж хэлсэн хүн холбогдсон тухай мэдүүлжээ. Үүний дараа Флорида, Техасын цагдаа нар, Дотоодын аюулгүй байдлын мөрдөгчид хэргийг шалгаж, охин нь мөн болохыг баталсан байна. Ингэснээр ээж охин хоёр 14 жилийн дараа дахин уулзаж чаджээ.

Эх сурвалж: ВВС

---