Энэ өдрүүдэд мэргэжлийн дартсын корпорациас (PDC) зохион байгуулдаг дартсын 11 дэх удаагийн дэлхийн цомын тэмцээн явагдаж байгаа билээ.
Урьд шөнө хоёрдугаар тойргийн тоглолтууд явагдаж шөвгийн найман улсын баг тунан үлдлээ. Шөвгийн наймд дэлхийн чансааг тэргүүлж буй найман улсаас Бельгийн багаас бусад нь бүгд шалгарлаа. Харин Бельги Австрийн багт нийлбэр дүнгээр 2:0 харьцаагаар хожигдон тэмцээнээ дуусгалаа. Өнөөдөр хагас шигшээ болон шигшээ тоглолтууд явагдах дэлхийн цомын аварга баг тодорно.
Урьд шөнийн тоглолтуудаас хамгийн өрсөлдөөнтэй явагдсан тоглолтоор 2020 оны дэлхийн цомын аварга баг болох Уэлс болон Литвийн тоглолт байлаа. Ихэнх тоглолт хоёр сет тоглолтоор шийдвэрлэгдэж байсан бол Уэлс болон Литвийн хувьд нэмэлт нэг тоглолтоор шийдвэрлэгдсэн юм.
