Афганистаны Ерөнхийлөгч асан Ашраф Гани ард түмнээсээ уучлалт гуйлаа. Тэрээр Арабын нэгдсэн эмирт улсаас орогнол хүсч зугтсан юм.

Тэрээр “Кабулыг орхиж явах нь миний амьдралдаа гаргасан хамгийн хүнд хэцүү шийдвэр байлаа. Энэ бүгдийг өөрөөр төгсгөж чадаагүй уучлаарай. Ард түмнээ орхихыг хүсээгүй боловч цорын ганц арга байсан юм. Ерөнхийлөгчийн ордны аюулгүйн алба намайг хэрэв үлдвэл 1990-ээд оны үеийн иргэний дахин давтагдах эрсдэлтэй тул орхин явахыг зөвлөсөн. Би Кабулыг, зургаан сая иргэнээ дайнаас аврахыг хүссэн” гэжээ.

Ерөнхийлөгч асныг Арабын нэгдсэн эмирт рүү зугтахдаа 169 сая ам.доллар аваад явсан гэж буруутгасан. Харин үүнийг гүтгэлэг гэдгийг хэлжээ.

72 настай төрийн тэргүүн өнгөрсөн наймдугаар сарын 15-ны өдөр Талибаны зэвсэгт бүлэг төрийн эрхийг булаах үед улсаа орхин гарсан нь зарим улстөрчийн хатуу шүүмжлэлд өртсөн. Тэрээр амь насаа алдах эрсдэлтэй байсан тул аргагүйн эрхэнд улсаа орхин гарснаа наймдугаар сарын 18-ны өдөр Facebook цахим хуудсаар дамжуулан мэдэгджээ.

Эх сурвалж: ВВС

---