Чили улсад Аугусто Пиночетын үед баталж байсан Үндсэн хуулийг өөрчлөх бүх нийтийн хөдөлгөөн, бослого тэмцэл  2019 онд гарсан. Энэ үед нийслэл Сантьяго хотод босогчдыг манлайлан удирдаж байсан хүмүүсийн нэг Родриго Рохас Ваде өөрийгөө хорт хавдартай, химийн эмчилгээнд явж байгаа хэмээн олон нийтэд зарлаж байжээ. Гэвч тэрээр энэ бүхэн нь худал байсан гэдгийг илчилсэн байна.

37 настай тэмцэгч “Хорт хавдар бол шүүлтүүргүй бодит байдал” нэртэй блог бичиж, цусны хорт хавдартайгаа хэрхэн тэмцэж байгаа тухай хэвлэлүүдэд ярилцлага өгч байжээ. Тэр ч байтугай цээжин хэсэгтээ катетер зүүсэн зургаа ч авахуулсан байна.

Бодит дүр төрх нь илэрсний дараа Үндсэн хуулийн хорооноос хууль ёсны мөрдөн шалгах ажил явуулахыг зохих ёсны байгууллагаас шаарджээ. Рохас Ваде химийн эмчилгээнд зарцуулахаар Скотиабанкнаас 27 сая песо буюу 30 мянга орчим доллар зээлсэн нь тогтоогдсон байна.

Рохас Ваде өөрийн Инстаграм хуудсаараа дажуулан олон нийтээс уучлалт гуйж, 29 настайдаа сэтгэцийн хүнд эмгэгтэй гэж оношлогдсон нь найз нөхөд, гэр бүлийнхэндээ ховор төрлийн цусны хавдартай гэж худал хэлэх нөхцлийг бүрдүүлсэн гэжээ. Тэрээр “би маш том алдаа гаргасан. Гэр бүлийнхэнтэйгээ, та бүгдтэй шударга байгаагүй. Би өвчнийхөө оношийг худлаа хэлсэн” гэжээ.

Эх сурвалж: The Guardian

---