БНХАУ-ын Засгийн газар БНСУ-ын К-рор урсгалын шүтэн бишрэгчдэд ээлжит хоригоо тавилаа. Хятадын хамгийн том олон нийтийн цахи сүлжээ Weibo дахь К-рор урсгалын 22 хаягийг хаасан байна.

Өмнөд Солонгосын алдарт BTS хамтлагийн шүтэн бишрэгчид ч уг хоригт багтжээ. Тус хамтлагийн гишүүн Пак Жи Миний 26 насны төрсөн өдрийг тохиолдуулан шүтэн бишрэгчид нь хандив цуглуулж байсныг хууль бус санхүүжилт босгох гэсэн оролдлого хэмээн буруутгасан байна.

Weibo цахим сүлжээний зүгээс ийм төрлийн оддоор өвчилсөн зан үйлдлийг эсэргүүцэх ба ноцтойгоор хүлээж авна гэж мэдэгджээ. BTS хамтлагийн шүтэн бишрэгчдийн хаягийг хоёр сар буюу 60 хоног, Blackpink, GOT7, EXO зэрэг хамтлагийг дэмжигчдийн хаягийг нэг сар буюу 30 хоног хориглосон байна.

Уг үйлдэл нь Хятадын Засгийн газар энтертайнмент салбарт хийж буй хориг арга хэмжээнүүдийн нэг хэсэг боллоо. Өнгөрсөн долоо хоногт Засгийн газрын хоёр ч агентлаг телевизийн сувгаар иргэдийн дунд алдаршсан ард гаралтай цахим одод, эмэгтэйлэг төрхтэй эрчүүдийг телевизийн сувгаар нэвтрүүлэхийг хориглох зөвлөмж гаргасан байна.

Мөн энэ сарын эхэнд Хятадын алдартай одуудын нэг Жао Вейн уран бүтээлүүдийг хязгаарлаж, шүтэн бишрэгчдийнх нь хаягийг устгасан. Албан ёсоор учир шалтгааныг нь тайлбарлаагүй ч уламжлал ёсоор гэр бүлийнх нь хууль бус хөрөнгөтэй холбон мэдээлсэн юм.

Эх сурвалж: ВВС

---