Францын алдарт жүжигчин Жан-Пол Бельмондо 88 насандаа таалал төгсжээ. Тэрээр энэ сарын 6-ны өдөр Парис дахь гэртээ нас барсан гэж түүний өмгөөлөгч "AFP" агентлагт мэдээлсэн байна.

Бельмондо домогт найруулагч Жан-Люк Годарын сонгодог бүтээл болох "Breathless"-д тоглон, олон улсад нэр хүндээ цуурайтуулсан билээ. Жан-Пол Бельмондо бол Францын кино урлагийн шинэ давлагааны гол нүүр царайнуудын нэг төдийгүй Европын кино урлагийн ид үеийн гол дүр байсан юм.

Францын үзэгчдийн дунд "Бебел" хэмээх хочтой тэрээр 1960-70-аад оны үед тус улсын хамгийн том кино оддын нэг байсан байна. 1989 онд Бельмондо Францын Оскарын шагнал болох Цезарийн шагнал гардуулах ёслолоос Шилдэг эрэгтэй жүжигчний алдрыг хүртэж байжээ.

Гэвч 2001 онд тэрээр цус харвалтын улмаас эмнэлэгт хэвтсэн бөгөөд үүнээс хойш жүжигчний замаа түр орхисон хэдий ч 2009 онд дэлгэцнээ эргэн ирсэн байна.

Эх сурвалж: BBC, The Guardian

---