Хотын дарга Д.Сумъяабазар нийтийн тээврийн парк шинэчлэлийн ажлыг Сангийн яамны ТНБД С.Наранцогт гацаасан гэж мэдэгдсэн. Уг асуудалд Сангийн яамны ТНБД С.Наранцогт болон албаны хүмүүс тайлбар хийлээ.

Сангийн яамны ТНБД С.Наранцогт: Юун түрүүнд хотын дарга Д.Сумъяабазар баримтгүйгээр миний болон манай яамны нэр хүндэд халдсанд харамсаж байна.

1.Сангийн яам аль нэг компанитай гэрээ байгуулах талаар албан бичиг огтоос дурдаагүй бөгөөд АТГ-т шалгуулах тухай албан бичгийг хүргүүлээгүй.
2. Нийтийн тээврийн парк шинэчлэлийн хүрээнд 60 автобус худалдаж авах тендерийг Нийслэлийн худалдан авах ажиллагааны газраас зарлаж, 7 компани оролцсон. Зургаадугаар сард "Сүлдэрхан минералс" ХХК шалгарсан байна.
3. Гэвч тендерт оролцсон бусад 3 компани гомдол гаргасан. Сүлдэрханыг хууль бусаар шалгаруулсан гэх гомдол гаргажээ.
4. Гомдлын дагуу шалгахад Сүлдэрхан компани нь тендерт тавьсан 6 шаардлагыг хангахгүй байсан.
5. Тухайлбал, Сүлдэрхан ХХК нь өмнө нь автобус нийлүүлсэн туршлагагүй, автобус засварын төвгүй, хамтран оролцсон БНХАУ-ын Xia Men Golden Dragon Bus ХХК нь шаардсан материалыг бүрэн ирүүлээгүй байхад шалгаруулжээ.
6. Харин Сангийн яам хуулиар шийдвэрлэх боломжгүй бөгөөд гомдлын талаар компаниудад өгсөн.
7. Хэрэв ашиг сонирхлын зөрчилтэй шийдвэр гаргасан бол энэ талаар хууль хяналтын байгууллагад шалгуулах эрх тендер зарлагч байгууллагад нээлттэй.
8. Нийслэлийн худалдан авах ажиллагааны газраас зохион байгуулсан тендер шалгаруулалттай холбоотой 22 гомдлыг Сангийн яамнаас хянахад 16 тохиолдолд захиалагч хууль зөрчсөн/2020 он/, 2021 онд 9 гомдол хянаснаас 9 тохиолдолд захиалагч нь хууль зөрчсөн байна.

---