Өмнөд Африкийн Ерөнхийлөгч асан Жэкоб Зума шүүхийн шийдвэрийг үл хүндэтгэснийхээ төлөө жил гурван сарын хорих ял сонсоод байсан. Гэвч тэрээр хоёр сар хүрэхгүй хугацаанд ял эдэлснийхээ дараа эрүүл мэнд нь муудсан шалтгаанаар шоронгоос суллагдсан байна.

Жэкоб Зума 2017 онд Ерөнхийлөгчийн албан тушаалаасаа хөөгдсөн бөгөөд түүнийг төрийн эрх барих есөн жилийн хугацаандаа үйлдсэн байж болзошгүй авлигын хэрэгт холбоотойгоор дээд шатны шүүхэд дуудсан юм. Гэвч тэрээр шүүхийн шийдвэрийг биелүүлэхээс татгалзсан.

Зума өөрт оноосон ялыг бүрэн гүйцэд эдлэлгүй суллагдсан нь олон нийтийн дургүйцлыг төрүүлээд байна. Одоогоор эмнэлэгт хэвтэн эмчлүүлж байгаа бөгөөд үлдсэн эмчилгээг гэрт нь хийх боломжтой гэж албаны хүн мэдээлжээ. Өнгөрсөн долоо хоногт Зумагийн авлигын хэргийг шүүхээр авч хэлэлцэх ёстой байсан ч эрүүл мэндийнх нь байдалтай холбоотойгоор дахин хойшлуулсан байна.

Эх сурвалж: The Guardian

---