Японы Ерөнхий сайд Ёшихидэ Суга энэ сард Намын даргын сонгуульд дахин нэр дэвшихгүй гэдгээ мэдэгдсэн бөгөөд ингэснээр түүний бүрэн эрхийн хугацаа дуусгавар болж байгаа юм.

Суга өмнөх Ерөнхий сайд Шинзо Абэг огцорсны дараа буюу ердөө нэг жилийн өмнө уг албан тушаалд томилогдсон билээ. Сүүлийн үед түүний үнэлгээ одоог хүртэлх хамгийн доод түвшинд хүрээд байсан хэдий ч энэхүү гэнэтийн мэдээ нь олон нийтийг гайхшируулаад байна.

Ёшихидэ Суга Либерал ардчилсан намын Ерөнхий нарийн бичгийн дарга энэ талаар "Өнөөдрийн хуралдаан дээр ноён Суга коронавирусийн цар тахлын эсрэг арга хэмжээнд анхаарлаа хандуулахыг хүсэж байгаагаа илэрхийлсэн бөгөөд намын даргын сонгуульд оролцохгүй гэдгээ мэдэгдсэн. Үнэнийг хэлэхэд би гайхаж байна. Үнэхээр харамсмаар байна. Тэр чадах бүхнээ хийсэн боловч сайтар бодож үзсэний дараа ийм шийдвэр гаргасан" хэмээн ярьжээ.

Эрх баригч Либерал ардчилсан нам нь энэ 9 дүгээр сарын 29-нд удирдагчаа сонгох сонгууль явуулах ёстой билээ. Тус нам нь Парламентын олонх тул намын даргын сонгуулийн ялагч нь Японы удирдагч болох юм.

Эх сурвалж: BBC

---