Цар тахлын үед нийтийн хоолны салбарын орлого тайлант хугацаанд өмнөх оны мөн үеэс 17.1 хувиар буурч, 231.8 тэрбум төгрөг болсныг Үндэсний статистикийн хороо мэдээлэв.

Ресторан, цайны газар, кофе шопын орлого буурсан бол захиалгат хоолны хүргэлтийн үйлчилгээний орлого 6.2 хувиар өссөн байна. Цар тахлын үед үйл ажиллагаа нь хамгийн их тасалдсан салбар бол нийтийн хоол, үйлчилгээний салбар байгаа юм.
Хил хааж, гадаадаас ирэх жуулчдын урсгал тасалдсанаар зочид буудлын салбарын орлого буураад байна. Хөл хорионы үед хүргэлтийн үйлчилгээний эрэлт нэмэгдсэн нь захиалгат хоолны хүргэлтийн үйлчилгээний орлого өсөхөд нөлөөлжээ. 

 

---