Эрүүл мэндийн яамнаас коронавируст халдварын нөхцөл байдлын ээлжит мэдээллийг хүргэлээ.

Сүүлийн 24 цагт цар тахлын халдварын 3,638 шинэ тохиолдол батлагджээ. Нийт илэрсэн тохиолдлын 810 нь Улаанбаатар хотод, харин 2,828 нь орон нутагт бүртгэгдсэн байна.

Мөн өнгөрсөн 24 цагийн хугацаанд 21-80 гаруй насны гурван иргэн нас баржээ. Ийнхүү коронавирусийн халдварын улмаас эндсэн иргэдийн тоо 951 болж байгаа юм.

Харин халдвар аваад байсан иргэдийн 2,554 нь эдгэрсэн бөгөөд нийт хэвтэн эмчлүүлж байгаа хүний тоо 16,226 болж байна.

Цар тахлаар өвчлөн, эмчлүүлж буй иргэдийн биеийн байдлыг үнэлбэл,
Хөнгөн - 10,397
Хүндэвтэр - 4,266
Хүнд - 1,180
Нэн хүнд - 283 хүн байна.

---