АНУ-ын зүүн болон зүүн өмнөд эргийн нутаг дэвсгэрийн Айда халуун орны хар салхи дайран өнгөрч байна. Хар салхины үеэр Нью-Йорк хотод урьд өмнө орж байгаагүй их хэмжээний хуртунадас унаж, Нью-Йорк болон Нью Жерси мужид онц байдал зарласан. Дээрх бүс нутагт хар салхины улмаас багадаа найман хүн нас барсан тухай CNN агентлаг мэдээлжээ.

Мөн цаг агаар муудсанаас Луйзана мужид түлш шатахууны хомсдол үүсчээ. Тус мужид нэг сая орчим иргэн гэрэл цахилгаангүй хэвээр байна. Нью-Йорк хотын дарга Билл де Бласио хотод урьд өмнө тохиож байгаагүй цаг агаарын хүнд байдал нүүрлэж, аюултай болсныг зарлалаа.

Үерийн ус метроны буудлууд руу урсаж, иргэдийн байшин, сууцууд үерт автжээ. Үндэсний цаг уурын газраас Нью-Йоркод цагт дунджаар 8 см хуртунадас унаж байна гэжээ. Цагдаагийн газраас иргэдийг авто зам, аюултай бүсээс аль болох зайдуу байхыг зөвлөжээ. Нью-Йорк, Нью Жерсид метроны ихэнх буудлууд хаалттай, галт тэрэг, онгоцны нислэгүүдийн ихэнхийг тур хугацаанд зогсоогоод байна.

Эх сурвалж: CNN

---