“Токио-2020” зуны олимпын наадмаас мөнгөн медаль хүртэж, монголчуудыг огшоосон Сайед Моллай “Монголын Засгийн газарт машид гомдсон” хэмээн UBN.mn сайтад өгсөн ярилцлагадаа өгүүлжээ.

Тэрбээр “Монголын төр засгийн удирдлагууд, Монголын үндэсний олимпын хорооны зүгээс олимпын наадмаас медаль хүртсэн тамирчдаа хүлээн авч хүндэтгэл үзүүлэх арга хэмжээндээ яагаад ч юм намайг уриагүй. Би зочид буудлынхаа өрөөнд хүндэтгэлийн арга хэмжээндээ намайг урих байхдаа хэмээн өдөржин хүлээсэн ч надтай холбогдоогүй. Мөн олимпын наадмаас медаль хүртсэн тамирчдадаа орон сууц өгсөн мөртлөө надад өгөөгүйд гомдолтой байна. Надад ямар ч орон сууц өгөөгүй мөртлөө өгсөн мэтээр худал мэдээллийг цахим сүлжээнд цацаж байгаа гомдсон” гэв.

Монголын Биеийн тамир спортын хорооны дарга Ц.Шаравжамц дээрх асуудал болон олимпын наадамд амжилттай оролцсон баг тамирчдад олгох шагнал урамшууллын талаар мэдээлэл хийлээ. Энд дарж уншина уу. 

---