2019 Үндэсний их баяр наадамд түрүүлсэн Улсын аварга Э.Оюунболдоос сэргээш илэрч түүнийг давааг хэрэгсэхгүй болгож, барилдах эрхийг нь хоёр жилээр хасч, улмаар дараагийн бөхчүүдэд цол, чимэг нэмсэн билээ.

Харин Улсын аварга Э.Оюунболд давж заалдсанаар 2020 оны 11-р сард Дээд шүүхээс нэг жилийг нь хасаж шийдвэрлэсэн юм.

Харин тэрээр барилдах нь эрх н сэргэсэн гэж үзэн 2021 оны Үндэсний их баяр наадмын барилдаан буюу энэ сарын 16-17-ны өдрүүдэд Хүй долоон худагт болж буй 512 бөхийн барилдаанд барилдаж байгаа нь олон нийтийн гайхшарлыг төрүүлж, анхаарлыг татаад байна.

Э.Оюунболд аварга барилдаад зогсохгүй гурвын даваанд Улсын арслан Ц.Содномдоржийг амлаж авсан нь бөх сонирхогчдын анхаарлыг улам ч илүү татаж байна. 

Учир нь хоёр жил гаруй хугацаанд зодоглоогүй Э.Оюунболд давах уу, эртэй бяртай, хэний түлхээсгүйгээр өнөөдрийн амжилтад хүрсэн Ц.Содномдорж давах уу гэдэг ихээхэн сонирхолтой байлаа.

Харин багагүй хугацаанд удааширсан хоёр бөхийн барилдаанд тэд зэрэг унасан ч Улсын арслан Ц.Содномдоржийг өвдөг шроодсон гэж хөлийн цэц үзжээ. 

Гэвч иргэд, олон нийт аварга Э.Оюунболдыг барилдаж байгаад ихээхэн дургүйлэж байна. Учир нь допингийн дөрвөн төрөл илэрсэн бөхөд дахин боломж олгож, барилдуулах нь ёсзүйд нийцэхгүй гэж үзэж байна. 

 

---