Засгийн газрын хуралдаан хуваарь ёсоор өглөө 08:00 цагт эхэлсэн. Хуралдаанаар хэд хэдэн асуудал хэлэлцэж байгаа бөгөөд юун түрүүнд Иргэний нисэхийн ерөнхий газар/ИНЕГ/-ын дарга Л.Бямбасүрэнг үүрэгт ажлаас нь чөлөөлсөн байна. 

Учир нь өнгөрөгч долоо хоногт АТГ-аас ИНЕГ-т нэгжлэг хийсэн бөгөөд түүний хууль бус үйлдлийг илрүүлж, холбогдох бичиг баримтуудыг хурааж авсан байна. Тодруулбал, ИНЕГ-ын дарга Л.Бямбасүрэн “Улаанбаатар-Сөүл-Улаанбаатар” чиглэлд нисдэг МИАТ ХК-ийн нислэгийн тоог цөөлж, БНСУ-ын “Изинис Эйрвэйз” ХХК-ийн нислэгийн тоог нэмэгдүүлэх нууц хуйвалдаан хийж байгаад баригдсан гэх мэдээлэл бий. 

Тиймээс ч түүнийг өнөөдөр ийн үүрэгт ажлаас нь чөлөөлж буй аж. Харин түүний оронд хэнийг томилох нь хараахан тодорхой болоогүй байна. 

---