Манай урд хөрш Хятадын хөгжил дэвшил гүйцэгдэхэд нэгэнт бэрх болжээ. Дэлхий дээрх хамгийн анхны усан доорх хурдан галт тэргийг үйлдвэрлэх төслөө эхлүүлээд байна.

Далай доогуурх хурдан галт тэрэгний чиглэл Шанхайн урд байдаг Нингбо боомтыг зүүн эргийн Зоушан аралтай холбох аж. Усан доогуурх хонгил Нингбо, Зоушан хотуудыг холбох галт тэрэгний замын төслийн нэг хэсэг юм.

Уг төслийг 2005 онд анх санаачилж, энэ сард Хятадын Засгийн газар дэмжжээ. 77 км үргэлжлэх хурдан галт тэрэгний шинэ замын 16,2 км нь усан доор баригдах юм байна.

Усан доорх замаар галт тэрэг дээд тал нь цагт 250 км хурдлах боломжтой. Зэжианы нийслэл Ханзоу хотоос Зоушан хүртэл зорчигчид автобусаар 4,5 цаг, жижиг тэргээр 2,5 цаг явдаг бол шинэ галт тэрэгний замаар цаг 20 минутад хүрдэг болно.

Долоон шинэ зогсоолтой, 2019-2025 он хүртэл хэрэгжих төсөлд 25 тэрбум юань буюу 3,6 тэрбум ам.доллар зарцуулна.

Хятадын эрх баригчид энэ чиглэлийг сонгож төсөл хэрэгжүүлэхээр шийдэхдээ эдийн засгийн ач холбогдлыг нэн тэргүүнд тооцоолсон нь гарцаагүй. Зоушанд Америкийн Боинг компанийн үйлдвэр баригдаж ирэх сард ашиглалтанд орно. Тээвэр зуучлалын хувьд ч улсын хамгийн ачаалал ихтэй бүс нутаг юм.

 

Эх сурвалж: www.cnn.com

---