Атлантын далайд орших 63 мянган хүн амтай Бермудын арал дахь жижиг улс 1936 оноос хойш Олимпын наадамд оролцож байгаа ч 1976 онд л боксын төрлөөр нэг хүрэл медаль хүртэж байжээ.

Энэ удаагийн Токиогийн олимпод тус улсаас хоёр тамирчин хүрэлцэн ирээд байгаа юм. Тэгвэл эдгээр хоёр тамирчны нэг нь болох Флора Даффи эх орондоо анхны алтан медалийг нь авчирчээ. Тэрээр тэсвэр тэвчээр шаардсан триатлоны эмэгтэйчүүдийн төрөлд түрүүлж, алтны эзэн болсон байна.

Ийнхүү Бермуд Олимпын наадмаас алтан медаль хүртсэн хамгийн цөөн хүн амтай улс болжээ.

Флора Даффи хэдийгээр жижиг орныг төлөөлдөг ч триатлоны спортдоо бол том тамирчин юм. Тэрээр ДАШТ-ээс хоёр алт, хоёр мөнгөн медаль хүртсэн бөгөөд Олимпоос гарцаагүй медаль авах тамирчны тоонд орж байсан билээ.

Эх сурвалж: МҮОХ

---