Японы мэргэжлийн сумо бөхийн Нагоя башё 15 хоногийн турш үзэгч олныг огшоосон барилдаануудаар дүүрэн болж өндөрлөлөө. 

Энэ удаагийн Нагоя башёд аварга, арслан тэргүүтэй 20 монгол хүчтэн дөрвөн зиндаанд хүч үзэж гурван зиндаанд түрүү хүртлээ. Башёгийн сүүлийн өдөр дээд зиндаанд их аварга Хакухо М.Даваажаргал болон Тэрүнофүжи Г.Ган-Эрдэнэ нарын монгол бөхчүүд нэг ч унаагүйгээр тунан үлдэж, үзүүр түрүү булаалдан монгол түмнээ баясгалаа. Аварга, арслангуудын барилдаан сумо сонирхогчдын хүсэн хүлээсэн хурц өрсөлдөөнтэй барилдаан болж их аварга Хакухо М.Даваажаргал давснаар 45 дахь түрүүгээ хүртлээ. Үзүүр түрүү булаалдсан Тэрүнофүжи Г.Ган-Эрдэнийн хувьд мэргэжлийн сумогийн 73 дахь Ёкозүна буюу аварга цолны болзлыг бүрэн биелүүлж тав дахь монгол аварга боллоо. 

Нагоя башёд монгол бөхчүүд дараах амжилтыг үзүүллээ:

Дээд зиндаанд

Ёкозүна Хакүхо М.Даваажаргал /Миягино/ 15-0 ТҮРҮҮ
Озэки Тэрүнофүжи Г.Ган-Эрдэнэ /Исэгэхама/ 14-1
МБ-2 Ичиножо А.Ичинноров /Минато/ 10-5
МБ-5 Хошорюү С.Бямбасүрэн /Тацүнами/ 10-5
МБ-6 Кирибаяма Б.Лхагвасүрэн /Мичинокү/ 9-6
МБ-7 Чиёошома Г.Мөнхсайхан /Коконоё/ 8-7 
МЗ-10 Тамаваши Б.Мөнх-Оргил/Катаонами/ 11-4

Жүрёо зиндаа:

Б-6 Миторюү Б.Төрболд /Нишикидо/ 12-3 ТҮРҮҮ
Б-7 Азүмарюү С.Тодбилэг /Таманои/ 7-8
Б-10 Кёкүшүхо Т.Эрдэнэбаатар /Томозүна/ 6-9
З-12 Дайшохо Ч.Шижирбаяр /Оитэказэ/ 6-9

Макүшита зиндаа:

Б-2 Хокүсэйхо Э.Даваанинж 7-0 ТҮРҮҮ
Б-13 Хокүтэнкай Г.Сүхбат /Оное/ 2-5
Б-21 Дэванорюү Т.Тэмүүлэн /Дэваноүми/ 5-2
Б-23 Тамашохо Э.Энхманлай /Катаонами/ 5-2
Б-25 Ёүшояама Б.Анхбаяр /Токицүказэ/ 3-4
З-34 Сакигакэ Я.Баттүшиг /Шибатаяма/ 5-2
Б-46 Саданохикари Д.Наранцогт /Сакайгава/ 4-3

Санданмэ зиндаа:

З-5 Xокүтомарү Н.Чинзориг /Хаккакү/ 3-4
Б-57 Араүма Төртогтох /Исэноүми/ 5-2