Эрүүл мэндийн яамнаас коронавируст халдварын нөхцөл байдлын ээлжит мэдээллийг хүргэлээ.

Сүүлийн 24 цагт цар тахлын халдварын 1,171 шинэ тохиолдол батлагджээ. Нийт илэрсэн тохиолдлын 544 нь Улаанбаатар хотод, харин 627 нь орон нутагт бүртгэгдсэн байна.

Мөн өнгөрсөн 24 цагийн хугацаанд 41-80 гаруй насны зургаан хүн нас баржээ. Ийнхүү коронавирусийн халдварын улмаас эндсэн иргэдийн тоо 740 болж байгаа юм.

Харин халдвар аваад байсан иргэдийн 3,489 нь эдгэрсэн бөгөөд нийт эдгэрсэн хүний тоо 134,101 болж байна.

Цар тахлаар өвчлөн, эмчлүүлж буй иргэдийн биеийн байдлыг үнэлбэл,
Хөнгөн - 5,897
Хүндэвтэр - 3,016
Хүнд - 892
Нэн хүнд - 208 хүн байна.

---