ЭМЯ-аас иргэдийн амралт зугаалга, аялалтай холбоотой зөвлөмж өглөө. Уг зөвлөмжид иргэн та коронавирусийн эсрэг вакцины бүрэн тунд хамрагдсан ч гараа угаах, амны хаалт зүүх, зай барих, гэртээ чийгтэй цэвэрлэгээ хийх, агааржуулалтыг тогтмол хийх, хүн ам ихээр цугласан газраар явахгүй байх зэрэг энгийн аргыг үргэлжлүүлэн баримтлахыг тусгажээ. Уг арга хэмжээ нь халдварын тархалтыг бууруулах, цаашид вирүсийн хувьсаж өөрчлөгдсөн хувилбар гарахаас урьдчилан сэргийлэхэд чухал ач холбогдолтой юм. Баяр наадмын дараа халдварын шинэ давлагаа үүсэхээс сэрэмжлэхийг эрүүл мэндийн салбарын мэргэжилтнүүд анхааруулсаар байна. 

---