Өмнөд Африкийн Ерөнхийлөгч асан Жэкоб Зумад шүүхийг үл хүндэлсэн хэргээр жил гурван сарын хорих ял оноосон юм. Цагдаа нар шүүхийн шийдвэрийг биелүүлж Ерөнхийлөгч асныг лхагва гарагийн 22 цаг гэхэд өөрийн биеэр ирэхгүй бол баривчилгаа явуулахаас өөр аргагүйд хүрнэ гэдгийг анхааруулсан. Уг анхааруулгын дараа 79 настай Зума өөрийн биеэр хорих газарт ирж ялаа эдлэхээр болжээ.

Зума гэрийнхээ ойролцоох хорих газарт лхагва гарагийн орой ирсэн байна. Урьд өмнө Өмнөд Африкийн төрийн тэргүүнүүд хорих газарт ял эдэлж байсан тохиолдол байхгүй ажээ.

Шүүх экс Ерөнхийлөгчийн төрийн эрх барих есөн жилийн хугацаанд авлига хээл хахуулийн хэргийн мөрдлөгийг явуулж, нотлох баримт өгч хамтран ажиллахыг хүссэн боловч Зума татгалзаад байсан юм. Тэрээр өөрийгөө улс төрийн хуйвалдааны хохирогч гэж үзсэн.

Өнгөрсөн ням гарагт экс Ерөнхийлөгчийг дэмжигчид гэрийнх нь гадаа цуглан, бүслэлт хийж баривчилгааг эсэргүүцсэн юм. Коронавирусийн үед өндөр настай хүнийг хорих нь цаазын ял оноосноос ялгаагүй гэж Зума хэлж байжээ.

Эх сурвалж: ВВС

---