Японы далайн эргийн Атами халуун рашаан, амралтын хотод бороо орж хөрс гулссан. Хотын иргэний бүртгэл мэдээллийг нягталсны дараа сураггүй алга болсон хүний тоо таамаглаж байснаас хэд дахин илүү буюу зуу гаруй хүн сураггүй болсон гэдгийг мэдээлжээ.

Нийслэл Токио хотоос баруун урагшаа 90 км-т байдаг Атами хотод олон хоног үргэлжлэн орсон борооны улмаас гурван хүн нас барсан гэж мэдээлжээ. Албаныхан эхний удаад 20 орчим иргэн сураггүй байна гэж мэдээлсэн боловч 113 хүн сураггүй болсон гэж бүртгэл мэдээллээс дүгнэсэн байна.

Орон нутгийн эх сурвалжийн мэдээлснээр 23 хүнийг эсэн мэнд аварчээ. Хөрс гулссаны улмаас 130 орчим байшин барилга шороонд булагдсан байна. Одоогоор бороо зогссон байгаа ч цаг уур судлаачид ирэх өдрүүдэд бороо үргэлжилнэ гэдгийг анхааруулжээ.

Ерөнхий сайд Ёшихидэ Сугагийн хэлснээр цагдаа, гал сөнөөгчид, цэргүүд болон өөрийгөө хамгаалах хүчнийхэн амьд үлдэгсдийг аврах ажилд тусалж байна.  

Эх сурвалж: The Guardian

---