Өвөрхангай аймгийн Баян-Өндөр сумын Бумбат багийн “Хадан хушуу” гэдэг газар /аймгийн төвөөс зүүн зүгт 122 км-т, сумын төвөөс зүүн хойд зүгт 2 км-т/ 07.04-ний өдрийн ням гарагт 17:30 цагийн орчим долоон хүн, дөрвөн мотоциклтой Баян-Өндөр сумаас шатахуун аваад буцжээ. 

Тэд Зүлэгт багийн “Цам” гэдэг газрын чиглэлд гэрлүүгээ буцаж явах замд хоёр хүн нь аянгад цохиулж нас барсан тухай мэдээллийг мөн өдрийн 19:11 цагт хүлээн авсан байна. Тус сумын Засаг даргын Тамгын газрын ажилтнууд 19:17 цагт тухайн газарт очиход тус сумын харьяат малчин Г /21 настай, эрэгтэй/, Ч/21 настай, эрэгтэй/ нар аянгад цохиулж нас барсан байжээ.

Цогцсыг тус сумын Цагдаагийн хэсгийн мөрдөгчид шилжүүлэн өгсөн тухай мэдээллийг тус сумын Засаг даргын Тамгын газрын дарга аймгийн Онцгой байдлын газарт мэдэгдсэн байна.

---