Өмнөд Солонгос улсад хоногт 826 хүн коронавирусийн халдвар авсныг тогтоожээ. Энэ нь сүүлийн зургаан сарын хугацаанд хамгийн өндөр тоо болж байна.

Эрх баригчдын өнөөдөр мэдээлснээр коронавирусийн дельта хувилбарын тархалт ихэссэн бөгөөд шинээр кластер халдварын голомт бүртгэгджээ. Тодруулбал Ковид-19-ийн гурав дахь давлагаа Өмнөд Солонгосыг дайрч байна. Хоногт илэрч буй тохиолдлуудын 80 орчим хувь нь Сөүл болон ойролцоох хүн ам шигүү оршин суудаг бүс нутагт бүртгэгдсэн дотоодын халдвар байгаа аж.

Засгийн газрын зүгээс энэ сараас эхлэн коронавирусийн хатуу чанга хорио цээрийг сулруулах шийдвэрийг гаргаад байсан юм. Гэвч халдварын тохиолдол эрс нэмэгдсэн тул долдугаар сарын 7 хүртэл хорио цээрийн дэглэмийг долоо хоногоор сунгаж, нөхцөл байдлыг ажиглахаар боллоо.

Эх сурвалж: The Guardian

---