Филиппиний төв Манилагаас урагш 70 км-т байрладаг Таал галт уул идэвхжиж эхэлжээ. Эрх баригчид ойр орчмын мянга мянган оршин суугчийг аюулгүй байдлын үүднээс нүүлгэн шилжүүлж эхэлсэн байна.

Пүрэв гарагийн байдлаар тус галт уулаас км орчим өндөр утаат багана татжээ. Эрх баригчид хоёрдугаар зэргийн аюулын түвшин зарлаад байсан бол гуравдугаар зэрэгт шилжүүлсэн байна.

Таал нь дэлхий дээр байдаг жижиг хэмжээтэй, идэвхтэй галт уулуудын нэг юм. Хэдийгээр 311 метр өндөр боловч үхлийн аюултай. 1911 онд тус галт уул оргилж, 1,300 гаруй хүний аминд хүрч байжээ.

Өнгөрсөн жилийн нэгдүгээр сард Таал идэвхжиж 15 км өндөрт хий, утаа цацруулснаар100,000 гаруй иргэн орон гэрээ орхин дүрвэж, нислэгүүдийн цуцалснаас гадна Манила үнс нурманд хучигдсан.

Судлаачид энэ удаад галт уул урьд өмнөхөөсөө ч хүчтэй оргилж болзошгүй гэдгийг сэрэмжлүүлж байна. Таал галт уулыг тойрон хүрээлсэн нуурын эрэг дээр байрладаг Агонкилло, Лаурел тосгонууд галт уул оргилох үед цунамид өртөх аюултай болохыг сэрэмжлүүлжээ.

Эх сурвалж: CNN

---