Улсын хэмжээнд сүүлийн 24 цагт 10 мянга гаруй сорьцод шинжилгээ хийснээс 1811 хүн коронавируст халдвартай нь батлагдлаа. Шинээр илэрсэн тохиолдлуудын 1806 нь дотоодод, 5 эрүүл мэндийн ажилтан халдвар авсан байна. Дотоодын халдварын 983 нь Улаанбаатарт, 823 нь хөдөө орон нутагт бүртгэгдсэн байна. Ингэснээр Монгол Улсын батлагдсан тохиолдлын тоо 111505 боллоо. 

Хоногт 834 хүн эдгэрснээс 570 нь эмнэлгээс, гэртээ байсан 260 хүн эдгэрсэн аж. Нийт эдгэрэлтийн тоо 70792  болсон байна.

Сүүлийн 24 цагт коронавирусийн халдвараар 38-79 насны 15 хүн эндэж, нийт нас баралт 533 боллоо. Нас барсан иргэдийн ар гэр, төрөл төрөгсдөд гүн эмгэнэл илэрхийллье.

Хөдөө орон нутагт бүртгэгдсэн тохиолдлыг аймаг тус бүрээр задалбал:

• Архангай аймагт +83
• Сэлэнгэ аймагт +52
• Хэнтий аймагт +30
• Дорнод аймагт +59
• Сүхбаатар аймагт +27
• Говьсүмбэр +26
• Төв аймагт +22
• Булган аймагт +34
• Хөвсгөл аймагт +54
• Баянхонгор аймагт +61
• Өвөрхангай аймагт +20
• Говь-Алтай аймагт +46
• Увс аймагт +53
• Ховд аймагт +46
• Баян-Өлгий аймагт +22
• Завхан аймаг+10
• Дархан-Уул аймагт +62
• Орхон аймагт +78 тохиолдол тус тус бүртгэгджээ.

Өнөөдрийн байдлаар улсын хэмжээнд 14189 хүн хэвтэн эмчлүүлж байгаагаас 9463 нь хөнгөн, 3365 нь хүнд, 1097 нь хүнд, 264 нь маш хүнд байдалтай байна, 25 гаруй мянган иргэн гэртээ, өрхийн эмчийн хяналтад байна. 

Өнөөдрөөс эхлэн 12-15 насы хүүхдүүдэд Пфайзер вакциныг тарьж эхэлсэн учраас эцэг эхчүүд хүүхдүүдээ вакциндаа идэвхтэй хамрагдахыг уриаллаа.

Сүүлийн нэг хоногт 1950 хүн вакциндаа хамрагджээ. Улсын хэмжээнд вакцины хоёрдугаар тундаа хамрагдсан иргэдийн тоо 1.7, нэгдүгээр тундаа хамрагдсан иргэдийн 1.9 сая болсон байна гэж ЭМЯ-наас мэдээллэ. 

 

---