Иргэдийн төлөөлөл Засгийн газар, УОК-ын алдаатай шийдвэр үйл ажиллагааг эсэргүүцэж, өнөөдөр С.Зоригийн хөшөөний урд талд Тэвчээр тасарлаа эсэргүүцлийн цуглаан хийлээ.

Тэдний хувьд Төв Талбайд эсэргүүцлийн жагсаалыг хийхээр төлөвлөж байсан ч Ерөнхийлөгчийн тангараг өргөх ёслолтой давхацсан тул С.Зоригийн хөшөөний урд өөрсдийн байр сууриа илэрхийллээ.
#NoNaadam #ТэвчээрТасарлаа #ЭмчНарааХамгаалъя уриан дор иргэд нэгдсэн гэдгээ илэрхийлж байсан юм.
Иргэдийн хувьд төрийн цагдаа ард иргэдээ хамгаалах ёстой байтал төрөө хамгаалж байна. Үзэл бодлоо илэрхийлэх боломжийг төр хааж, боогдуулж байгаа нь шударга ёс биш. Бизнесийн байгууллагуудаа хаачаад ямар татвараа хурааж авах гэсэн юм. Коронавирусийн халдвараар 400 гаруй иргэн амь насаа алдаад байхад төр засаг уучлал гуйсангүй хэмээн иргэд дурдаж байлаа. 

---