Нийслэлийн Баянзүрх дүүргийн 11 дүгээр хороо, “Бага тэнгэрийн-Ам” гэдэг газар “Туул” голын усын усанд нэг хүн живсэн тухай дуудлагыг энэ сарын 19-ны 21:50 цагт хүлээн авсан.

Нийслэлийн Аврах ангийн алба хаагчид 4 км замыг туулан 21:58 цагт очиход нийслэлийн Чингэлтэй дүүргийн харьяат иргэн /Б 22 настай эрэгтэй, согтууруулах ундааны зүйл хэрэглэсэн/ “Туул” голын усанд живж, салаа руу урсан орж эсэн мэнд байхад нь аварч ар гэрийнхэнд нь хүлээлгэн өгсөн.

Түүнчлэн нийслэлийн Баянзүрх дүүргийн 4 дүгээр хороо, 27 дугаар байранд бага насны хүүхэд дулааны шугамын завсар хөлөө оруулж гацаасан тухай дуудлага иржээ. Нийслэлийн Аврах ангийн алба хаагчид 8.5 км замыг туулан 16:48 цагт очиход тус тоотод Б /1 нас 11 сартай, эмэгтэй/ хана, дулааны шугам хоёрын завсар хөлөө оруулж гацаасан байсныг тэлэгч багаж ашиглан гаргаж, ар гэрийнхэнд нь хүлээлгэн өгсөн.

---