Энэтхэг улсад анх илэрсэн коронавирусийн дельта хувилбар дэлхийн 74 улсад албан ёсоор бүртгэгдээд байна. Тэгвэл уг шинэ хувилбараар халдварласан тохиолдолд толгой өвдөх, хоолой өвдөх болон хамраас нус гоожих шинж тэмдэг нийтлэг илэрч байгааг Zoe Covid шинж тэмдгийн судалгаагаар тогтоожээ.

Лондоны эзэн хааны коллежийн профессор Тим Спектор коронавирусийн шинж тэмдэг өөрчлөгдөж байгаа бөгөөд хүнд хэлбэрийн ханиадтай төстэй болж байгааг анхааруулсан байна. Тиймээс хүмүүс улирлын шинжтэй томуутай эндүүрч байж болзошгүй гэдгийг сэрэмжлүүлжээ. Дээрх шинж тэмдгүүдээс гадна халуурах, ханиалгах, амталж үнэрлэх мэдрэмжээ алдах шинж тэмдгүүд давхар илэрч байна.

Олон улсын эх сурвалжуудын мэдээлснээр коронавирусийн дельта хувилбар халдварлах чадамж 40 хувиар нэмэгдсэн ба хүндрэл үүсч эмнэлэгт хэвтэх эрсдэл хоёр дахин нэмэгдэж байгаа гэжээ.

Дашрамд мэдээлэхэд Америкийн Новавакс фирмийн үйлдвэрлэсэн коронавирусийн эсрэг вакцин туршилтаар 90 хувь халдвараас хамгаалах үр дүнг харуулсан байна.

Эх сурвалж: The Guardian

---