Дэлхийн хэмжээний супер од Женнифер Лопез, Бен Аффлек нар нэгэн үе халуухан хос байсан ч 2004 онд салсан. Тэгвэл Женнифер Алекс Родригезоос энэ жилийн гуравдугаар сард салсны дараа Бен Аффлектай дахин болзож эхэлсэн тухай хэвлэлүүд нийтлэх болсон билээ.

17 жилийн дараа эргэн нийлсэн хос Малибу суши зоогийн газарт үнсэлцэж, нялуурч байсныг Нью-Йорк пост хэвлэлд нийтэлжээ. Лопезын дүү Линдагийн 50 насны төрсөн өдөр 15-ны өдөр тохиох ба ням гарагт болсон оройн зоогонд тэдний гэр бүлийн ихэнх гишүүд байжээ.

Дөрөвдүгээр сарын сүүлээс хойш Бен Аффлек, Женнифер Лопез нар болзож эхэлсэн тухай мэдээлэл гарсан боловч анх удаа тэд олны нүдэн дээр уруул дээрээ үнсэлцэж, нялуурсан явдал болсон хэмээн Нью-Йорк пост мэдээлсэн байна. Мөн ойрын долоо хоногуудад тэд илүү их цагийг хамт өнгөрөөх болсон ба ихэнхдээ Лос Анжелес дахь Лопезын гэрт цагийг өнгөрөөдөг гэжээ. Мөн амралтын өдрүүдэд хамтдаа Монтана руу зугаалсан байна.

Холливудын сайхан хосуудын нэг Беннифер эргэн нийлснээс хойш хэвлэлүүдийн анхаарлыг татсаар байгаа юм. Бен Аффлекын хувьд 2015 онд 10 жил хамт амьдарсан эхнэр Женнифер Гарнераас салснаасаа хойш продюссер Линдсей Шүкас, Плейбойн загвар өмсөгч Шауна Секстон, жүжигчин Ана де Армас зэрэг хэд хэдэн бүсгүйтэй олны нүдэн дээр болзож байжээ.

Эх сурвалж: Лос Анжелес Таймс

---