Монгол Улсын Ерөнхийлөгчийн 2021 оны сонгуулийн санал хураалт эхлээд 8 цаг өнгөрлөө. Сонгуулийн ерөнхий хорооноос мэдээлснээр 15:00 цагийн байдлаар улсын хэмжээнд ирц 26.04 хувьтай байна.

Энэ удаагийн сонгуулийн ирцийн мэдээллийг аймаг, дүүргээс гадна, нас хүйсийн байдлаар дэлгэрэнгүй үзүүлж буй юм.

15:00 цагийн байдлаар

• 20-24 насныхны ирц хамгийн бага буюу 14.71 хувь
• 70-аас дээш насныхны ирц хамгийн их буюу 55.24 хувьтай байна.

Тодруулбал, 20-24 насны 216,569 иргэн сонгогчдын нэрсийн жагсаалтад бүртгүүлснээс 31,864 нь саналаа өгчээ. Харин 70-аас дээш насныхан 86,436 иргэн сонгогчдын нэрсийн жагсаалтад бүртгэгдсэний 47,747 нь саналаа өгч ирцийн хувь 55,24 болоод байна.

Нийслэл Улаанбаатар хотод ирц хамгийн өндөр буюу сонгогчдын 31.08 хувь нь саналаа өгчээ. Харин Сэлэнгэ аймагт ирц бага, сонгогчдын 16.81 хувь нь санал хураалтад оролцоод байна.

 
 
 
 Share
 Tweet

---