Сонгуулийн ерөнхий хорооноос 21 аймгийн хэсгийн хороод, нийслэлийн есөн дүүргийн бүх хэсгийн хороодын ирцийн мэдээллийг цаг тутамд шинэчлэн хүргэж байна. Харин бусад хэсгийн хороодын ирцийн мэдээллийг 11,15,19,22 цагуудад нэгтгэж олон нийтэд мэдээлэх юм байна. 

Ерөнхийлөгчийн сонгуулийг 2087 хэсгийн хороонд явуулж байгаа бөгөөд сонгогчдын нэрийн жагсаалтад 2,040,698 иргэн бүртгэгдсэн. Өглөөний 10:00 цагийн байдлаар улсын хэмжээнд сонгогчдын 6.56 хувь буюу 133,820 хүн саналаа өгчээ. Улсын хэмжээнд 18-19 насны 3179 иргэн саналаа өгсөн нь хамгийн бага үзүүлэлт бол 70-аас дээш насны 17,586 иргэн саналаа өгчээ.

 Багахангай дүүрэг, Орхон аймаг сонгуулийн ирцээр тэргүүлж байгаа бол Говьсүмбэр, Архангай аймгийн ирц тааруу байна. СЕХ-ноос ирцийн мэдээг 12.00, 15.00, 17.00, 20.00, 22.00 цагт мэдээлэх юм. Ирцийн нэгтгэсэн мэдээллийг энд дарж үзнэ үү.

---