Францын Ерөнхийлөгч Эммануэль Макрон улсынхаа зүүн өмнөд нутгаар албан ёсны айлчлал хийсэн байна. Ерөнхийлөгчийг иргэдтэй уулзаж, гар барих үеэр үл таних эрэгтэй нүүр лүү нь гэнэт алгаджээ.

Энэ явдал Валенс хотод болсон байна. Макроныг алгадсан эрэгтэйг баривчлан саатуулжээ. Уг эрэгтэй “Макронизмыг устга” хэмээн орилсон байна. Ерөнхийлөгчид гар хүрсэн даруйд хамгаалалтын албаныхан ирж салгажээ.

Францын төрийн тэргүүнийг хамгаалах аюулгүйн алба 1983 онд байгуулагдсан. Одоо байгаа төрийн тэргүүнийг арга хэмжээний үеэр аюулгүй байдлыг нь хамгаалах эрэгтэй, эмэгтэй 77 хамгаалагч ажилладаг гэж мэдээлжээ.

Эх сурвалж: ВВС

---