БНАСАУ-д саяхан шинээр баталсан хуулиар гадны кино контент, цуврал драм, мэдээ мэдээлэл үзэх, гадаадаас худалдаж авсан хувцас өмсөх, гадны хэлээр хараал хэлсэн тохиолдолд хүндээр шийтгэх буюу зарим тохиолдолд цаазын ял оноохоор болжээ.

Умард Солонгосоос дүрвэж Сөүлд ирсэн Ён Ми Сү хатагтай 11 настай байхдаа Өмнөд Солонгосын олон ангит цуврал үзсэн эрэгтэй цаазаар авахуулж байхыг өөрийн нүдээр харсан хэмээн өгүүлжээ. Эх сурвалжийн хэлснээр Умардад интернэт, олон нийтийн цахим сүлжээ ашиглах боломжгүй, төрийн мэдлийн цөөн хэдэн телевизийн суваг гардаг байна.

Удирдагчид гадны суртал ухуулгыг нэвтрүүлэхгүйн тулд БНСУ, АНУ, Японы хэвлэл мэдээллийг уншиж, сонссон хүмүүст 15 жилийн хорих ял, цаазын ялыг оноож байгаа ажээ.

Уг хуулийн хуулбар Daily NK хэвлэлд анх гарсан байна. Хэрэв хөдөлмөр эрхлэгч хууль зөрчвөл түүнийг ажиллуулж байгаа газрын эзэн ижил хариуцлага хүлээх ба хүүхдүүд хууль зөрчвөл эцэг эх нь шийтгүүлэх ажээ.

Эх сурвалж: ВВС

---