Монгол Улсын Засгийн газрын "Цар тахлыг богино хугацаанд даван туулах" зорилтын хүрээнд олон улсын вакцин хангамжийн "Ковакс" хөтөлбөрийн шугамаар 48 мянган тун "АстраЗенека" вакциныг хүлээн авчээ.

48 мянган тун буюу 300 кг "АстраЗенека" вакцин болон 350 кг эм бэлдмэл, тариаг "МИАТ" ТӨХК-ийн "Боинг 737-800" агаарын хөлгөөр энэ сарын 05-ны өдөр тээвэрлэн авчирсан байна.

Үүнээс өмнө мөн тус хөтөлбөрийн хүрээнд 100,620 тун "Пфайзер/БиоНТех" вакциныг 5 дугаар сарын 27-ны өдөр хүлээж аваад байсан билээ. Энэ нь 2021 оны эхний хагас жилийн хугацаанд Монгол Улсад олгохоор хуваарилагдсан 239,160 тун вакцины нэг хэсэг юм.

---