Эрүүл мэндийн яамнаас коронавирусийн халдварын нөхцөл байдлын талаарх 11:00 цагийн ээлжит мэдээллээ хүргэлээ.

Өнгөрсөн 24 цагт 9,045 хүнээс шинжилгээ авахад коронавируст халдварын 1,042 шинэ тохиолдол бүртгэгджээ. Ингэснээр Монгол Улсын хэмжээнд нийт халдварын тоо 61,396 болж байна. Шинэ тохиолдлуудын 1,023 нь дотоодоос илэрсэн бол нэг тохиолдол нь зөөвөрлөгдөн иржээ. Үүний 883 нь Улаанбаатар хотоос илэрсэн бөгөөд үлдсэн 140 нь орон нутгаас илэрсэн байна.

Мөн сүүлийн нэг хоногт коронавирусийн халдвараар эмчлэгдэж байсан 78 болон 80 настай хоёр иргэн нас баржээ. Ингэснээр улсын хэмжээнд нийт нас баралт 288 болоод байна.

Харин 535 хүн бүрэн эдгэрсэн бөгөөд тэдний 395 нь эмнэлгээс гарсан бол 140 нь гэрийн хяналтаас гарсан байна. Ийнхүү улсын хэмжээнд нийт эдгэрэлтийн тоо 51,983 болсон юм.

Хөдөө орон нутагт бүртгэгдсэн тохиолдлыг аймаг тус бүрээр задалбал:

Улсын хэмжээнд 4,854 иргэн эмнэлэгт хэвтэн эмчлүүлж байгаагаас 2,558 нь хөнгөн, 1,714 нь хүндэвтэр, 461 нь хүнд, 121 нь маш хүнд байдалтай байна.

Сүүлийн хоногт улсын хэмжээнд 51,386 хүн "Ковид-19"-ийн эсрэг вакцинд хамрагджээ. Улаанбаатар хотын хувьд вакцин хийлгэх нийт иргэдийн 99.9 хувь нь нэгдүгээр тунд, 79.6 хувь нь хоёрдугаар тундаа хамрагджээ. Харин хөдөө орон нутагт вакцин хийлгэх нийт иргэдийн 55.1 хувь нь хоёрдугаар тундаа хамрагдаад байна. Улсын хэмжээнд 2.67 сая хүн дархлаажуулалтад хамрагдах ёстойгоос нэгдүгээр тунд 1.86 сая, хоёрдугаар тунд 1.37 сая иргэн хамрагдаад байгаа аж.

---