Олон улсын хүүхдийн эрхийг хамгаалах өдрийг тохиолдуулан ОХУ-ын өнцөг булан бүрт олон сонирхолтой арга хэмжээ өрнөж байна. Гэвч энэ жилийн баяр нь коронавирусийн цар тахлын улмаас хэд хэдэн хязгаарлалт дор зохион байгуулагдаж байгаа бөгөөд зарим үйл ажиллагаа цахимаар явагдаж байгаа аж.

Эдгээрээс онцлох нэгэн арга хэмжээ нь "Хүн бүр мөрөөддөг" гэх нэртэй буяны хөтөлбөр юм. Энэ нь Бүх Оросын ардын фронтын томоохон төсөл бөгөөд тус улсын өнцөг булан бүрт байгаа идэвхтнүүд хүүхдүүдийн хамгийн нандин хүслийг биелүүлж байгаа аж. Одоогийн байдлаар идэвхтнүүд Оросын 23 бүс нутгийн хүүхдүүдийн 100 гаруй хүслийг биелүүлээд байгаа гэнэ.

Мөн өнөөдөр болсон Төрийн Думын хуралдаан дээр Ерөнхийлөгч Владимир Путин хүүхэд багачуудад баярын мэндчилгээ дэвшүүлсэн бөгөөд төрөөс гэр бүлийн үнэт зүйлийг бэхжүүлэх, залуу хойч үеэ хүмүүжүүлэх, хүн ам зүйн байдлыг сайжруулах болон хэрэгцээтэй хүүхдүүдэд материаллаг дэмжлэг үзүүлэхэд улам анхаарал хандуулан ажиллана гэж онцлон мэдэгджээ. Тэрээр мөн Оросын хүүхдийн сангийн буяны ажлын хөтөлбөрийг сайшаан тэмдэглэсэн байна.

Эх сурвалж: Первый Канал

---