ЭМЯ сүүлийн хоногт 7800 гаруй сорьцод шинжилгээ хийхэд 891 хүнээс коронавирусийн халдвар илэрчээ. Илэрч байгаа тохиолдлуудад ойрын хавьтал ч байгаа, сайн дураараа шинжилгээ өгсөн хүмүүсээс ч халдвар илэрч байгаа тул халдвар хамгааллын дэглэмээ сайтар баримтлахыг ЭМЯ-аас анхаарууллаа.

Нийт тохиолдлын 890 нь дотоодынх, нэг эрүүл мэндийн ажилтан халдвар авсан байна. Хотод 836, хөдөө орон нутагт 54 хүн коронавирусийн халдвар авчээ. Харамсалтай нь коронавирусийн улмаас нас барах иргэдийн тоо буурахгүй байна. Өнгөрсөн 24 цагт Ковид -19-ийн улмаас дөрвөн хүн амь насаа алдлаа. 434 халдвартай иргэн эдгэрч эмнэлгээс гарсан байна.

Монгол улсын хэмжээнд коронавирусийн эсрэг дархлаажуулалт хэвийн явагдаж байна. Улсын хэмжээнд өчигдөр 63 мянган хүн дархлаажуулалтад хамрагдсан байна. Улаанбаатар хотод 27 мянган тун вакцин тарихаар төлөвлөсөн боловч тэн хагас нь буюу 14 мянган иргэн коронавирусийн дархлаажуулалтад хамрагджээ. Тиймээс 13 мянган иргэн вакцинжуулалтад хамрагдалгүй хойш суусан тул дархлаажуулалтдаа идэвхтэй хамрагдахыг уриалж байна.
25-29 насны иргэд дархлаажуулалтад хамгийн бага хамрагдаж байна. Тиймээс залуучуудыг вакцинжуулалтад идэвхтэй оролцохыг уриалж байна.

Дэлхий дахинд 1,8 тэрбум хүн дархлаажуулалтад хамрагджээ.

---