"Токио-2020" олимпын эрхийн төлөөх 3х3 сагсанбөмбөгийн тэмцээнийг шууд дамжуулан үзүүлж байна.
Австри улсын Граз хотноо "Токио-2020" олимпын эрхийн төлөөх FIBA 3x3 сагсанбөмбөгийн тэмцээн өчигдөр албан ёсоор эхэлсэн билээ. Тэмцээний эхний өдөр "гал гарсан" тоглолтууд дүүрэн байсан ба монголчуудын хувьд А хэсгийг тэргүүлэн тоглож буй монголын эрэгтэйчүүдийн шигшээ багийн тоглолт анхаарлын төвд байсан нь дамжиггүй. Манай баг Польш, Бразил, Турк, Чехийн шигшээ багуудтай нэг хэсэгт багтсан ба тэмцээний эхний өдөр хүчирхэг Польш, Туркийн багуудтай учраа тааран тоглолоо.
- Монгол 22:18 Польш
- Монгол 21:13 Турк
Мөн түүнчлэн тэмцээний эхний өдөр хамгийн өндөр авсан таван тоглогчийн нэгээр монголын шигшээ багийн тамирчин Э.Дөлгөөн нэрлэгдлээ.
Манай баг өнөөдөр тоглолтгүй өнжиж байгаа ба маргааш шөнө хэсгийн үлдсэн хоёр баг болох Бразил, Чехийн шигшээ багуудтай тоглох хуваарьтай байна.
Яг одоо дараах тоглолтууд явагдана.
Спорт мэдээ, мэдээллийн төрөлжсөн www.livetv.mn/sport суваг уламжлал ёсоор тав хоногийн турш олимпын эрхийн тэмцээнийг шууд дамжуулан үзүүлэхээс гадна тэмцээний мэдээ, мэдээллийг шуурхай хүргэн ажиллана.
