"Цус сэлбэлт судлалын үндэсний төв” цус, цусан бүтээгдэхүүний нөөцийн хомсдолд орсон талаар ЦССҮТ-ийн Ерөнхий захирал Н.Эрдэнэбаяр мэдээлэл өглөө.

Тэрээр "Цус цуглуулалт үйлдвэрлэлт нь оны эхэнд төлөвлөсний дагуу явж байна. Гэвч сүүлийн саруудад эмнэлгүүдийн захиалга буурахгүй байна. Цус цусан бүтээгдэхүүний цуглуулалт буурсан ч эмнэлгийн тусламж үзүүлэхэд гол шаардлагатай байдаг цус цусан бүтээгдэхүүний хэрэглээ хэвээрээ байна. Жишээ нь цусны улаан эсийн нөөцийг бид дор хаяж 3 долоо хоног нөөцөлдөг байсан.

Гэвч 2020 оноос буурсаар, хөл хорионы үер улам буурч нөөц нь 10 хоногтой л байна. Тавдугаар сард 5-7 хоногийн нөөцтэй байх хандлага байгаа тул нөөцийн хэмжээ улаан түвшинд хүрэхэд ойрхон байна.

Цус хомстож байгаа нь хөл хорионы үеэр хүмүүсийн хөдөлгөөн багассантай холбоотойгоос гадна дархлаажуулалттай холбоотой. Энэ удаагийн вакцинжуулалт 2 тунтай дээр нэг тунгаа хийлгэснээс хойш 14 хоног цусаа өгөх боломжгүй болдог нь цус өгөх давтамжийг багасгаж байна. Энэ нь бидний өмнө тулгарч буй давагдашгүй хүчин зүйл болж байна. Өдөрт 100-120 донороос цус цуглуулж байж эмнэлгүүдийн хэрэглээг хангадаг. Вакцины аль ч тунг хийлгэснээс 14 хоногийн дараа цусаа өгөх боломжтой. Иймд вакцины хоёр дахь тундаа хамрагдаад 14 хоносон бол цусаа хандивлахыг уриалж байна. Цус сэлбэлттэй холбоотой КОВИД-19 дамжсан нэг ч тохиолдол дэлхийд бүртгэгдээгүй” гэсэн юм.

Түүнчлэн халдвар аваад эдгэрсэн хүмүүсийн хувьд цусаа өгөх боломжтой. Гэхдээ эдгээр иргэдийн цуснаас сийвэнг нь ашиглаж байгаа. Цуснаас нь эсрэг биетийг тодорхойлон хүнд биетэй хүмүүсийн эмчилгээнд хэрэглэж байгаа. Эмчилгээний үр дүн маш сайн гэсэн үзүүлэлт гарч байгаа. Эрэгтэй хүн гурван сар тутамд, эмэгтэй хүмүүс хоёр сар тутамд цусаа өгдөг тул цусны хангамж, нөөц тэр болгон бүрдэхгүй цусны нөөцгүй болж байгааг Цус сэлбэлт судлалын үндэсний төвөөс анхааруулав.

---