- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Засгийн газрын өнөөдрийн ээлжит хуралдаанаар Улаанбаатар хотын тулгамдсан асуудлыг хэлэлцэх юм байна. Авто замын түгжрэл, орон сууцны дэд бүтэц, эрчим хүчний зэрэг асуудлаар цогцоор нь анх удаа хэлэлцэх өргөтгөсөн нээлттэй хурал 10.00 цагт эхэлсэн.
Богд хаан төмөр замын талаар Зам, тээврийн хөгжлийн сайд Л.Халтар мэдээлэл хийлээ. Тэрбээр “Богд хаан төмөр замын хувьд одоогийн байдлаар 175 орчим км-ийн асуудал яригдаж байна. Үүнээс 135.8 километр төмөр замыг шинээр, 39 километр төмөр замыг одоо байгааг нь сайжруулах, тахир тойрууг багасгах чиглэлээр техникийн шийдлүүдийг гаргахаар ажиллаж байна. Мандал өртөөнөөс Мааньт өртөө хүртэл 174.8 километр зам барихаар төлөвлөсөн. Энэ замын хувьд 7.5, 9.1 гэсэн хоёр урт тунельтэй байна. Замын хэвгий, тахир харьцангуй сайжирсан төмөр зам болох гэж байна.
Улаанбаатар хотын түгжрэлд сөрөг нөлөө үзүүлж байгаа цөөн тоо хэлье.
Дөрвөн хэсэгт төмөр болон авто зам нэг түвшинд огтлолцож байгаа.
Дундаж хугацааг авч үзвэл тухайн дөрвөн гарамд хоногийн 1,440 минутаас 144 минут буюу 10 хувийг галт тэрэгний хөдөлгөөнд зориулж авто замаа хааж байна. Богд хаан төмөр замыг бариад ашиглалтад оруулсны дараа Улаанбаатар хот болон бусад төвийн хооронд явж байгаа зорчигчийн галт тэрэг, дулааны цахилгаан станцуудын зориулалттай нүүрсний тээвэр голчилж, энэ тээвэр хийгдэнэ. Бусад ачаа Богд хаан төмөр замаар тээвэрлэгдэх боломжтой. Энэ үед бидний тооцоогоор дунджаар 144 минутыг 62 минут болгож багасгах бололцоо байна.
Энэ нь автомашины замыг галт тэрэгний хөдөлгөөнөөс болж хааж байгаа хугацааг 57 хувиар бууруулж болно гэсэн тооцоо гарч байгаа. Авто зам, төмөр зам хоёрыг хоёр өөр түвшинд огтлолцуулах үед хөдөлгөөнд зарцуулж буй хугацааг ТЭГ болгож болно. Өөрөөр хэлбэл, Таван шарын уулзвар, Хүүхдийн парк, 407, 413 дугаар км дээр байгаа гарцуудад гүүр болон нүхэн гарц хийж өгсөн үед галт тэрэгний хөдөлгөөнөөс авто замыг хаах зүйл байхгүй болно. Энэ нь Богд хаан төмөр замыг барих хамгийн эхний ач холбогдол байна” гэлээ.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Сүүлд авсан шинэ суудлын галт тэргээ явуулаач идчисэн м уу