Японы мэргэжлийн сумо бөхийн зуны нацу башёгийн 10 дахь өдрийн барилдааны тоймыг толилуулж байна.  

10 өдрийн дараах байдлаар дээд зиндаанд Озеки Тэрүнофүжи Г.Ган-Эрдэнэ ганцаараа нэг ч унаагүйгээр башёг тэргүүлсэн хэвээр байна. Харин түүний араас найман даваа, хоёр унаатай Озеки Такакейшо, Эндо нар нэхэж байна. 

Өчигдөр /тавдугаар сарын 18-ны өдөр/ буюу башёгийн 10 дахь өдөр дээд зиндаанд барилдсан манай бөхчүүдийн даваа, унааны мэдээлэл. 

• Маэгашира 10 Тамаваши Б.Мөнх-Оргил /6-4/ - Маэгашира 6 Хиденоуми /4-6/
• Маэгашира 11 Чиёошома Г.Мөнхсайхан /6-4/ - Маэгашира 6 Ичиножо А.Ичинноров /7-3/ 
• Маэгашира 5 Хошорюү С.Бямбасүрэн /5-5/ - Маэгашира 1 Хокутофүжи /3-7/
• Маэгашира 4 Кирибаяама Б.Лхагвасүрэн /2-8/ - Озеки Тэрүнофүжи Г.Ган-Эрдэнэ /10-0/ 

Озеки Тэрүнофүжи Г.Ган-Эрдэнэ өөрийн нутаг нэгт Кирибаяама Б.Лхагвасүрэнтэй гурав дахь удаагаа учраа тааран барилдаж гурав дахь удаагаа давлаа. 

Мөн түүнчлэн Чиёошома Г.Мөнхсайхан болон Ичиножо А.Ичинноров нар зургаа дахь удаагаа учраа тааран барилдаж Чиёошома Г.Мөнхсайхан тав дахь удаа Ичиножо А.Ичинноровыг давлаа. 

Одоогийн байдлаар таван зиндаанд хүч үзэж буй монгол сумочдын даваа, унааны дэлгэрэнгүй мэдээлэл:

Макүүчи зиндаа

Озэки Тэрүнофүжи Г.Ган-Эрдэнэ 10:0
Кирибаяма Б.Лхагвасүрэн 2:8
Хошорюү С.Бямбасүрэн 5:5
Ичиножо А.Ичинноров 7:3
Тамаваши Б.Мөнх-Оргил 6:4
Чиёошома Г.Мөнхсайхан 6:4

Жүрёо зиндаа

Азүмарюү С.Тодбилэг 2:7
Кёкүшүхо Т.Эрдэнэбаатар 5:5
Миторюү Б.Төрболд 7:3
Дайшохо Ч.Шижирбаяр 5:5

Макүшита зиндаа

Хокүтэнкай Г.Сүхбат 2:3
Хокүсэйхо Э.Даваанинж 4:1
Сакигакэ Я.Баттүшиг 1:4
Тамашохо Э.Энхманлай 2:3
Ёүшояама Б.Анхбаяр 3:2
Дэванорюү Т.Тэмүүлэн 5:0
Xокүтомарү Н.Чинзориг 2:3

Санданмэ зиндаа

Саданохикари Д.Наранцогт 4:1

Жонидан зиндаа

Араүма Төртогтох 4:1
Сэнхо Жигүүр 5:0